Katoto

Nasaan ka aking kaibigan

Natatakot akong ako'y iyong iwan

Maaari mo ba akong samahan

Dito sa sulok na labis na nagdaramdam

image source: photoree.com

Pilit kitang hinahanap kahit saan

Ngunit bakit nga ba bigla nalang nang-iwan

Ako nga ba'y iyon nang kinalimutan

O sadyang binitawan nalang ang pinagsamahan

Kaibigan, lahat ay aking pinagpahalagahan

Problema mo'y aking ring pinasan

Paalam na nga nalang ba ang kasagutan

Dahil labis mo akong sinaktan

Paalam, ang sabit ng aking damdamin

 Pero bakit 'di ko kayang banggitin

Hindi ko alam kung paano sagutin

Siguro'y paalam ay di dapat kamtin

Halika rito, kaibigan

Mga problema'y ating pag-usapan

Kapayapaan sa puso'y ating kamtan

Sapagkat, mahal kita kaibigan